-
-
-
-
काठमाडौं । भारत सरकारले आर्थिक वर्ष २०२२/२३ का लागि बजेट सार्वजनिक गरेको छ । भारत सरकारले सार्वजनिक गरेको बजेटमा नेपालका लागि पनि अनुदान बजेछ छुट्याएको छ ।
यस वर्ष भारतले नेपालका लागि ७ सय ५० करोड अर्थात ७ अर्ब ५० करोड भारतीय रुपैयाँ नेपालका लागि अनुदान छुट्याएको छ । जुन करिब १२ अर्ब नेपाली रुपैयाँ हो । गत वर्ष भारतले नेपालका लागि ९ अर्ब ९२ करोड भारु अनुादन छुट्याएको थियो ।
यस्तै भारतले बंग्लादेशका लागि ३ अर्ब भारतीय रुपैयाँ अनुदान छुट्याएको छ । भारतले मौरिससका लागि ९ अर्ब भारतीय रुपैयाँ अनुदान छुट्याएको छ । अफ्रिका महादेशका लागि भारतले २ अर्ब ५० करोड भारु अनुदान छुट्याएको छ ।
