- सुन चाँदी दर
- विनिमय दर
- नेपाली पात्रो
- राशिफल
तनहुँ । तनहुँमा चितुवा मृत अवस्थामा फेला परेको छ । व्यास नगरपालिका वडा नं. ८ बर्लाचीमा सोमबार बिहान भाले वयस्क चितुवा मृत अवस्थामा फेला सवडिभिजन वन कार्यालय तनहुँले जनाएको छ ।
सवडिभिजन वन कार्यालयका प्रमुख नारायण कोइरालाका अनुसार भाले प्रजातिको चितुवा मृत अवस्थामा फेला परेको हो । भीरबाट लडेर वा आपसी द्वन्द्वका कारण चितुवाको मृत्यु भएको हुन सक्ने उनको अनुमान छ ।
स्थानीयवासीले मृत अवस्थामा चितुवा फेला परेपछि वन कार्यालयमा खबर गरेका थिए । चितुवालाई डिभिजन वन कार्यालय तनहुँमा राखिएको छ ।
योसहित डेढ वर्षको अवधिमा तनहुँमा १० वटा चितुवा मृत अवस्थामा फेला परेको कोइरालाले जानकारी दिए ।