-
-
-
-
काठमाडौं । युक्रेनी राष्ट्रपति भोलोडिमिर जेलेन्स्कीले युक्रेनलाई सहयोग गर्न आह्वान गरेका छन् ।रुसीले युक्रनेमाथि आक्रमण गरेपछि उनले यस्तो आव्हान गरेका हुन् ।
बिहीबार फ्रान्सेली राष्ट्रपति इमानुएल म्याक्रोनसँगको फोनमा राष्ट्रपति जेलेन्स्कीले युक्रेनलाई सहयोग गर्न र आवश्यक हस्तक्षेपका लागि पनि आह्वान गरेका छन् । उनले युरोपेली "एकता" को लागि पनि आह्वान गरेका छन् ।
त्यसै गरी म्याक्रोनले युक्रेनलाई फ्रान्सको "समर्थन र ऐक्यबद्धता" को आश्वासन दिएका छन्।
रुसी राष्ट्रपति भ्लादिमिर पुटिनले छिमेकी मुलुक युक्रेनमाथि सैन्य आक्रमण शुरु गरिएको बिहीबार बिहान घोषणा गरेका छन् ।
आदेश दिएसँगै युक्रेनसँग युद्ध चर्किएको छ ।
रुसले युक्रेन स्थित सैन्य पूर्वाधारहरू लक्षित गर्दै विभिन्न सहरमा हवाइ आक्रमण सुरु गरेको बताइएको छ ।
