-
-
-
-
काठमाडौं। युक्रेनको दोस्रो ठूलो शहर खार्किभमा रुसी सेना घुसेसँगै त्यहाँका सडहरुमा युक्रेनी सैनिकसँग भीषण लडाइँ भइरहेको छ ।
Fighting in Kharkiv pic.twitter.com/tb8OTThMwj
— OSINTtechnical (@Osinttechnical) February 27, 2022
खार्किभ क्षेत्रीय राज्य प्रशासनका प्रमुखले आइतबार रुसी सेना त्यहाँ प्रवेश गरेको र लडाइँ भइरहेको पुष्टि गर्दै घरबाहिर नआउन आग्रह गरेका छन् ।
Occupiers in #Kharkiv encountered fierce resistance. Video of a destroyed military column pic.twitter.com/G7zEGLhOHA
— NEXTA (@nexta_tv) February 27, 2022
युक्रेनी सहरहरुमा रुसी सेना कम संख्या र कम सैन्य उपकरणसहित आइरहदा युक्रेनी सेनाले लडाइँमा आफ्नो स्थिती मजबुत बनाइरहेको अलजजिराले जनाएको छ ।
यसअघि युक्रेनको राजधानी किभ नजिकै भासिल्किभमा एक तेल सुविधामा मिसाइल प्रहार गरिएको थियो । सोबाट खतरनाक धुँवा आउनसक्ने भन्दै सो क्षेत्रका मानिसहरुलाई झ्याल, ढोकालगाउन र घरबाहिर नआउन भनिभएको छ ।
रुसी सेना अघि बढेपछि कीभका मानिसहरू आश्रय खोजिरहेका छन्। मानवीय मामिला समन्वयको लागी संयुक्त राष्ट्रसंघीय कार्यालयले युक्रेनमा २४० सर्वसाधरण मारिएको जनाएको छ ।
यसबीच पश्चिमले केही रुसी बैंकहरूलाई स्विफ्ट अन्तरबैंक भुक्तानीबाट कटौती गर्ने गर्नेलगायतका थप प्रतिबन्धहरूको घोषणा गरेको छ ।
यस्तै पश्चिमी राष्ट्रहरूले युक्रेनलाई सैन्य सहायता उपलब्ध गराउने प्रतिवद्धता समेत गरिरहेका छन् ।
युक्रेनका राष्ट्रपतिले आफ्नो देशको सेनाले 'शत्रुको आक्रमणलाई सफलतापूर्वक प्रतिकार गरेको' बताएका छन्।
संयुक्त राष्ट्रसंघका अनुसार हालसम्म १ लाख ५० हजार भन्दा बढी युक्रेनीहरूले देश छोडेका छन् ।
