काठमाडौं । युक्रेनको दोस्रो ठूलो शहर खार्किभमा रहेको फ्रिडम स्क्वायरमा रुसी आक्रमणले ठूलो विस्फोट गराएको छ । यो आक्रमणले दर्जनौं सर्वसाधारणको ज्यान लिएको युक्रेनी अधिकारीले बताएका छन् ।
युक्रेनका विदेशमन्त्री दिमिट्रो कुलेबाले यो विस्फोटको भिडियो ट्विटरमार्फत सेयर गर्दै रूसलाई पूर्ण रूपमा अलग विश्वबाटै अलग गर्न आग्रह गरेका छन् ।
Barbaric Russian missile strikes on the central Freedom Square and residential districts of Kharkiv. Putin is unable to break Ukraine down. He commits more war crimes out of fury, murders innocent civilians. The world can and must do more. INCREASE PRESSURE, ISOLATE RUSSIA FULLY! pic.twitter.com/tN4VHF1A9n
युक्रेनी राष्ट्रपति भोलोदिमिर जेलेन्स्कीले रुसले नागरिकहरूलाई जानाजानी निशाना बनाइरहेको बताएका छन् । 'रुसी सेनाले खार्किभमा जेट आर्टिलरीबाट क्रूरतापूर्वक गोली हान्यो', जेलेन्स्कीले युक्रेनी जनतालाई राती अबेरमा गरेको सम्बोधनका क्रममा भनेका छन् ।
बेलारुसका नेता अलेक्ज्याण्डर लुकाशेन्कोले सरकारी सञ्चारमाध्यमलाई आफ्नो सेनाले युक्रेनमाथिको आक्रमणमा रुसी सेनासँग सामेल नहुने बताएका छन् ।
यसअघि बेलारुसी सेना समेत रुससँग मिलेर युक्रेनमाथि आक्रमण गर्ने तयारीमा रहेको रिपोर्टहरु आएका थिए । यस्तै युक्रेनी सेनाले पाँच दिनसम्मको युद्धमा ५ हजार ७ सय १० रुसी सेना मारिएको दाबी गरेको छ ।
