चीनले बौद्ध धर्माबलम्बीको प्राचीन मूति पद्मसम्भव भत्कायो

हाम्रा कुरा

प्रकाशित २०७८ फागुन १९ बिहिबार

काठमाडौं । चिनियाँ सरकारले तिब्बतीहरुको धार्मिक परम्परा र खास गरी बौद्ध धर्माबलम्बीहरुमा विशेष अर्थ राख्ने पद्मसम्भवको मूर्ति भत्काएको छ । कम्युनिस्ट पार्टी नेतृत्वको चिनियाँ सरकारले डिसेम्बरयता विगत तीन महिनामा यो तेस्रो तिब्बती बौद्ध मूर्ति भत्काएको रेडियो फ्री एसिया (आरएफए) मा लेख्दै सङ्ग्याल कुन्चोकले जानकारी गराएका छन् ।

पद्मसंभवको विनाशलाई तिब्बती धार्मिक स्वतन्त्रताको पछिल्लो उल्लङ्घनको रूपमा हेरिएको छ। पद्मसंभवको मूर्ति, जसलाई गुरु रिन्पोछे पनि भनिन्छ। यो कुनै समय तिब्बती स्वायत्त प्रिफेक्चर कार्डजे (गान्जीमा) को ड्रागो (चिनियाँ लुहुओमा) काउन्टीको चानाङ मठमा तीन तले अग्लो थियो।

निर्वासनमा बस्ने स्रोतहरू र उपग्रह इमेजरीका अनुसार यो मूर्ति जनवरीको अन्त्यमा भत्काइएको हो । चीनले अल्पसंख्यकहरुको संस्कृति र परम्परामाथि आक्रमण गर्दै आएको आरोप छ । तिब्बतमासमेत बौद्ध धर्माबलम्बीहरुमाथि चीनले प्रहार गरेको यो पछिल्लो उदाहरणका रुपमा हेरिएको छ ।