फ्रान्सेका राजदूतले भने- भारतको रुससँग राम्रो सम्बन्ध छ वार्ताका लागि बोलाउनु पर्छ
हाम्रा कुरा
प्रकाशित २०७८ फागुन २० शुक्रबार
247
Shares
काठमाडौं । भारतका लागि फ्रान्सेली राजदूत इमानुएल लेनेनले भारत र रुसबीच राम्रो सम्बन्ध भएको र यस (भारत) ले मस्कोलाई छलफलको टेबुलमा ल्याउनुपर्ने बताएका छन्।
संयुक्त राष्ट्र महासभा मतदानमा भारतको अडानको बारेमा कुरा गर्दै लेननले भनेका छन्, 'भारत बलियो देश हो। भारतसँग रणनीतिक स्वायत्तता छ। हामी भारतले आफ्नो हित र सिद्धान्त अनुसार आफ्नो निर्णय गर्ने सम्मान गर्छौं त्यसैले भारतले के गर्नुपर्छ भनेर कसैले भन्नु हुँदैन। भारतको समर्थनको धेरै स्वागत हुनेछ किनभने भारतको आवाज महत्त्वपूर्ण छ।'
भारतको मानवीय सहायतासम्बन्धी प्रश्नको जवाफ दिँदै लेनेनले भनेका छन्, 'म विश्वस्त छु कि भारतीय अधिकारीहरूले पहिले आफ्ना नागरिकहरूको सुरक्षा गर्न खोजिरहेका छन्। कुनै पनि सरकारको लागि यो पहिलो प्राथमिकता हो। हामी आशा गर्छौं कि यो समस्या समाधान भएपछि भारतको चिन्ता युक्रेनका सबै नागरिकहरूमा पनि विस्तार हुनेछ। भारतीय अधिकारीहरूले रुसलाई युद्धविराम र वार्ताका लागि आह्वान गर्न भनेका छन्।'
युक्रेन विरुद्धको सैन्य कारबाहीलाई लिएर रुसको निन्दा गर्ने राष्ट्रसंघको महासभाको प्रस्तावबाट भारत र अन्य ३४ देश बुधबार तटस्थ बसेका थिए। भारतले यसअघि युक्रेन संकटमा महासभाको बैठक बोलाउने संयुक्त राष्ट्र सुरक्षा परिषद्को प्रक्रियागत मतदानबाट पनि अलग रहेको थियो ।
