रुसी सेनाद्वारा एक सय ६० भन्दा बढी शैक्षिक संस्था ध्वस्त : युक्रेन

एएनआई,

प्रकाशित २०७८ फागुन २० शुक्रबार

कीभ। रुसी सेनाको गोलाबारीबाट युक्रेनमा १६० भन्दा बढी शैक्षिक संस्थाहरू आंशिक वा पूर्ण रूपमा ध्वस्त भएको युक्रेनको विदेश मामिला मन्त्रालयले शुक्रवार जनाएको छ। युक्रेनका शिक्षा मन्त्रीका अनुसार युक्रेनका १६० भन्दा बढी शैक्षिक संस्थाहरू रुसी सेनाको गोलाबारीबाट आंशिक वा पूर्ण रूपमा ध्वस्त भएका छन्।

बेलायत, अमेरिका, क्यानडा र युरोपेली सङ्घलगायत धेरै देशले युक्रेनमा रुसको सैन्य कारबाहीको निन्दा गरेका छन् र मस्कोमाथि प्रतिबन्ध लगाएका छन्। यी देशहरूले युक्रेनलाई रुससँग लड्न सैन्य सहयोग गर्ने वाचा पनि गरेका छन्।

अमेरिका, क्यानडा र युरोपेली सहयोगीहरूले प्रमुख रुसी बैङ्कहरूलाई अन्तर बैङ्क सन्देश प्रणालीबाट हटाउन सहमत भएका छन्। यसबाट रुसी बैङ्कहरूले रुसको सिमाना बाहिरका बैङ्कहरूसँग सुरक्षित रूपमा सञ्चार गर्न सक्ने छैनन्।