-
-
-
-
काठमाडौं । रुसी राष्ट्रपति भ्लादिमिर पुटिनले युक्रेनको भविष्यलाई लिएर चेतावनी दिएका छन् । विगत ११ दिनयता रुसी सेनाले युक्रेनमाथि जारी राखेको आक्रमणविरुद्ध युक्रेन डटेर लडेको छ ।
युद्ध रोक्नका लागि दुवै देशका प्रतिनिधिमण्डलहरुबीच वार्ता भए पनि ठोस टुंगो लागेको छैन । यस्तो अवस्थामा रुसी राष्ट्रपति पुटिनले युक्रेन आफैले आफ्नो राज्यसत्ता खतरामा पारेको भन्दै चेतावनी दिएका हुन् । रूसी एयरलाइन्स एरोफ्लोटका उडान परिचारकहरूसँगको भेटका क्रमममा पुटिनले यस्तो चेतावनी दिएका हुन् ।
'उनीहरूले जे गरिरहेका छन् त्यसलाई निरन्तरता दिए भने उनीहरूले युक्रेनी राज्यको भविष्यमाथि प्रश्न उठाइरहेका छन्,' पुटिनले भनेका छन् ।
'र यदि त्यसो भयो भने, यो पूर्णतया उनीहरूकै विवेकको कारणले हुनेछ,' पुटिनले थपे।
