अमेरिकाले भन्यो- युक्रेनमा लडाकु विमान पठाउन ‘सक्रिय’ भएर काम थालिसक्यौँ

हाम्रा कुरा

प्रकाशित २०७८ फागुन २२ आइतबार

काठमाडौं । अमेरिकी विदेशमन्त्री एन्टोनी ब्लिन्केनले रुस आक्रमणको बीचमा युक्रेनलाई लडाकु विमान उपलब्ध गराउन पोल्याण्डसँगको सम्झौतामा काम गरिरहेको बताएका छन् ।

'हामी अहिले पोल्याण्डले युक्रेनलाई उपलब्ध गराउन सक्ने हवाईजहाजको प्रश्नमा सक्रियताका साथ काम गरिरहेका छौं र पोल्याण्डले ती विमानहरू आपूर्ति गर्ने निर्णय गरेमा हामी कसरी ब्याकफिल गर्न सक्छौँ भनेर हेरिरहेका छौं,' उनले मोल्डोभाको भ्रमणको क्रममा आइतबार पत्रकारहरूलाई भने। 'म टाइमलाइन (ठ्याक्कै मिति)भन्न सक्दिन तर म भन्न सक्छु कि हामी यसका लागि धेरै, धेरै सक्रिय भएर काम गरिरहेका छौं ।'

डेमोक्र्याट सिनेट बहुमत नेता चक शुमरले युक्रेनी राष्ट्रपति भोलोदिमिर जेलेन्स्कीले शनिवार अमेरिकी कांग्रेसका सदस्यहरूसँगको फोनमा पूर्वी युरोपेली सहयोगीहरूबाट प्रयोग गरिएका रुसी विमानहरू हस्तान्तरण गर्न वाशिंगटनलाई सहजीकरण गर्न आग्रह गरेपछि विदेशमन्त्रीबाट यस्तो टिप्पणी आएको हो ।