- सुन चाँदी दर
- विनिमय दर
- नेपाली पात्रो
- राशिफल
काठमाडौं । रुसले युरोपलाई ग्याँस आपूर्तिमा रोक लगाइदिने धम्की दिएको छ । युरोपले प्रयोग गर्ने करिब ४० प्रतिशत ग्याँस र करिब ३० प्रतिशत तेल रुसबाट नै आउने गर्छ ।
यसबीच पश्चिमा साझेदारहरूले ऊर्जा आयातमा प्रतिबन्ध लगाएर रुसविरुद्ध आर्थिक युद्ध चर्काए भने तेलको मूल्य प्रति ब्यारेल ३०० डलर पुग्न सक्ने चेतावनीसमेत रुसी अधिकारीहरुले दिएका छन् ।
युरोपेली नेताहरूले रुसी ग्यास र तेलको आयतमा रोक लगाउनेबारे छलफल गर्न बिहीबार फ्रान्सको भर्साइलमा भेट्ने तयारी गरेका छन् । यसबीच रुसले यस किसिमको कुनै पनि कदम विश्वव्यापी बजारका लागि विनाशकारी हुनसक्ने चेतावनी दिएको छ ।
'रूसी तेलको अस्वीकारले विश्वव्यापी बजारको लागि विनाशकारी नतिजा निम्त्याउनेछ,' रुसी उपप्रधानमन्त्री अलेक्ज्याण्डर नोभाकले भनेका छन्, मूल्य दोब्बर भन्दा बढि प्रति ब्यारेल ३ सय डलर भन्दा बढी हुन सक्छ।
जमर्नीले रुसबाट जर्मनीमा ग्यास पुर्याउने पाइपलाइन नर्ड स्ट्रिम २ को प्रमाणीकरण रोकेको कुरालाई उदृत गर्दै उनले युरोपमा प्राकृतिक ग्यासको मुख्य स्रोत मध्येको एक रहेको नर्ड स्ट्रिम १ पाइपलाइनसमेत काट्न सक्ने धम्की दिएका छन् ।
'हामीसँग (युराेपेली कदमसँग) मिल्दो निर्णय लिने र नर्ड स्ट्रिम १ ग्यास पाइपलाइनबाट ग्याँस पम्प गर्न प्रतिबन्ध लगाउने अधिकार छ,' नोभाकले भनेका छन् ।