-
-
-
-
काठमाडौं । फ्रेन्च फुटबल स्टार पल पोग्बाको विश्वकप फुटबलको स्वर्णपदक चोरी भएको छ । इङ्गलिश क्लब म्यानचेष्टर युनाइटेडका मिडफिल्डर पोग्बाले पदक चोरी भएको जनाएका हुन् ।
२९ वर्षे पोग्बाले च्याम्पियन्स लिग फुटबलको एथलेटिको मड्रिड विरुद्धको खेलका क्रममा गत हप्ता घरमा चोरी भएको उनले बताएका हुन् । उक्त समयमा घरमा उनकी आमा र दुई छोराछोरी थिए ।
चोरले उनकी आमाका गरगहनासँगै विश्वकपको पदक पनि चोरेर लगेको ले फिगारोलाई बताएको बीबीसीले लेखेको छ । उनले आफ्नो पदक चोरी भए पनि आमा र छोराछोरी सुरक्षित भएकामा भने खुशी ब्यक्त गरेका छन् ।
सन् २०१८ को रुसको मास्कोमा भएको विश्वकपको फाइनलमा फ्रान्सले क्रोएसियालाई ४–२ ले पराजित गर्दै विश्वकप जितेको थियो । उक्त चारमध्ये तेस्रो गोल पोग्बाले गरेका थिए ।
