महत्त्वपूर्ण निर्णयमा ढुलमुले कुरा गर्ने अनि क्रान्तिकारी भाषण दिने : प्रकाशमान सिंह
हाम्रा कुरा
प्रकाशित २०७८ चैत ९ बुधबार
901
Shares
तस्बिर– फाइल
काठमाडौं । नेपाली कांग्रेसका नेता प्रकाशमान सिंहले संकटमा मुलुकलाई नेतृत्व प्रदान गर्न सक्ने पार्टी कांग्रेस मात्रै भएको बताएका छन् । ठूला राजनीतिक परिवर्तनको नेतृत्व पनि कांग्रेसले नै गरेको र अस्थिरताबाट निकाससँगै जनताले चाहेको विकास कांग्रेसले नै दिएको भन्दै उनले अनावश्यक भ्रमको पछि नलाग्न आग्रह गरे ।
आज काठमाडौंको शंखमुलमा ‘घर घर जाउँ कांग्रेस जिताउँ’ अभियान अन्तर्गत आयोजना गरेको भेटघाट कार्यक्रममा नेता सिंह देश संकटमा पर्दा काम गर्न नसक्ने, महत्त्वपूर्ण निर्णय लिनुपर्ने बेला ढुलमुले कुरा गर्ने अनि क्रान्तिकारी भाषण दिने भन्दै कम्युनिस्ट दलहरुप्रति आक्रोश पोखे ।
अब देशको हित गर्ने पार्टी र ढुलमुले पार्टी छट्याउनुपर्ने नेता सिंहले बताए । कांग्रेसले मुलुकको राजनीति र सामाजिक आर्थिक रुपान्तरणका लागि महत्त्वपूर्ण भूमिका खेलेको भन्दै उनले कामै नगर्ने दलहरुको सपनाको पछि नलाग्न आह्वान गरे ।
सिंहले तोकिएको मितिमा स्थानीय तहको निर्वाचन हुने भएकाले टोलटोलका खटिन नेता तथा कार्यकर्तालाई निर्देशन दिएका छन् ।
