बैंकक । थाइल्यान्डको धितोपत्र नियामकले निकायले बुधबार वस्तु तथा सेवाको भुक्तानीका लागि ‘क्रिप्टोकरेन्सी’को प्रयोगमा रोक लगाएको घोषणा गरेको छ ।
अप्रिल १ देखि लागू हुने गरिएको घोषणाले क्रिप्टोकरेन्सीमा लगानी गर्नका लागि भने प्रतिबन्ध लगाएको छैन । स्थानीय स्तरमा क्रिप्टोकरेन्सीको प्रवद्र्धन भएपछि यो वर्ष उक्त सेवाले झन् लोकप्रियता पाएको थियो ।
धितोपत्र तथा विनिमय आयोगले मुलुकको वित्तीय तथा मौद्रिक प्रणालीको स्थायित्वलाई सम्पत्ती शुद्धिकरण तथा अन्य साइबर अपराधलगायतका खतराबाट जोगाउनका लागि कारबाही गरिरहेको बताएको थियो ।
विनियमले विशेष गरी त्यस उद्देश्यका लागि सफ्टवेयर र उपकरणहरूको वितरणसँगै भुक्तानीका लागि क्रिप्टोकरेन्सीको प्रवर्धनलाई पनि प्रतिबन्ध लगाएको छ । साथै, डिजिटल मुद्रा व्यवसायका सञ्चालकहरूले आफ्ना ग्राहकहरूलाई प्रतिबन्धबारे जानकारी गराउनुपर्ने र यदि तिनीहरूले नियम उल्लंघन गरेमा तिनीहरूको खाता निलम्बन गर्नुपर्ने बताइएको छ ।
यो प्रतिबन्ध पालन गर्न व्यापारीहरूले अप्रिलको अन्तसम्म नै लगाउनसक्ने अधिकारीहरूले बताएका छन् ।
