‘अल रिहला’ अर्थात् कतार विश्वकपको बल सार्वजनिक, शुक्रबार ड्र

हाम्रा कुरा

प्रकाशित २०७८ चैत १७ बिहिबार

काठमाडौं । कतारमा सन् २०२२ मा आयोजना हुने फिफा विश्वकप फुटबलमा प्रयोग हुने बल सार्वजनिक भएको छ । कतारले बुधबार विश्वकपमा प्रयोग हुने आधिकारिक बल सार्वजनिक गरेको हो । विश्वकप शुरु हुन २३६ दिन बाँकी हुँदा बल सार्वजनिक गरिएको हो । कतार विश्वकप आगामी नोभेम्बर २१ देखि १८ डिसेम्बरसम्म हुनेछ ।

एडिडास कम्पनीले बनाएको बलको नाम ‘अल रिहला’ राखिएको छ । जसको अरबी अर्थ ‘यात्रा’ हुन्छ । यसलाई अहिलेसम्मकै उत्कृष्ट बल भनिएको छ । शुद्धतामा उच्चतम स्तरको बल भएकोसमेत कम्पनीको दाबी छ ।

यस संस्करणको विश्वकपमा ३२ टोलीको सहभागिता रहने छ । हालसम्म आयोजकसहित २७ राष्ट्र विश्वकपका लागि छनोट भइसकेका छन् । शुक्रबार ड्र सार्वजनिक हुनेछ ।