-
-
-
-
काठमाडौं । विश्वको सेन्टीबिलियनर्सको क्लबमा नयाँ सदस्य गौतम अडानी थपिएका छन् । बन्दरगाह, खानी र हरित ऊर्जालगायतमा लगानी रहेका भारतीय टाइकुन १०० अर्ब सम्पत्ती हुने व्यक्तिको सूचिमा थपिएको ब्लूमबर्गक्विन्टले जनाएको हो ।
यस वर्ष मात्रै अडानीको आम्दानी लगभग १४ अर्ब डलरले बढेको छ । अडानीबाहेक एलन मस्क, जेफ बेजोस, मुकेश अम्बानी, बील गेट्स, बर्नार्ड अर्नाल्ट, लगायत ९ जना १०० अर्ब डलरको सम्पत्ती हुनेको सुचीमा छन् ।
पछिल्लो दुई वर्षमा हरित ऊर्जा र पूर्वाधार क्षेत्र अडानीका लागि फलिफाप भएको बताइएको छ ।
फ्रान्सको टोटल एसई र वारबर्ग पिंकस जस्ता कम्पनीहरूबाट समेत अडानीलाई लगानी आएको छ ।
अडानीले कथित रूपमा विश्वको सबैभन्दा ठूलो तेल निर्यातक साउदी अरबमा सम्भावित साझेदारीको खोजी समेत गरिरहेका बताइएको छ ।
