-
-
-
-
पोखरा । कास्कीको मर्दी खोलामा शनिबार बिहान कार दुर्घटना हुँदा चार जना गम्भीर घाइते भएका छन् ।
माछापुच्छ्रे गाउँपालिकाको लाहाचोकबाट पोखरा आउँदै गरेको कार मर्दी खोलामा खस्दा चार जना गम्भीर घाइते भएका हुन् ।
घाइते हुनेमा लाहाचोकका ७० वर्ष भोजबहादुर श्रेष्ठ, वर्ष ६३ का भीमबहादुर श्रेष्ठ, २९ वर्षीया रमा श्रेष्ठ र २७ वर्षीया पार्वती श्रेष्ठ रहेका छन् ।
घाइते सबैको पोखराको मणिपाल अस्पतालमा उपचार भइरहेको छ । ग३च ७५८७ नम्बरको कार अनियन्त्रित भई सडकबाट करिब ७० फिट तल मर्दीखोलामा खसेको प्रहरीले जनाएको छ । दुर्घटनाका विषयमा थप अनुसन्धान भइरहेको प्रहरीले जनाएको छ ।
