किम जोङ उनसँगको तनाबका बीच अमेरिकी युद्धपोत कोरियामा
हाम्रा कुरा
प्रकाशित २०७८ चैत २९ मंगलबार
624
Shares
काठमाडौं । अमेरिकी युद्धपोत यूएसएस अब्राहम लिंकन स्ट्राइक समूह कोरियाली प्रायद्वीपको जलक्षेत्रमा सक्रिय भएको छ ।
किम जोङ उन नेतृत्वको उत्तर कोरियाले मिसाइल परीक्षण गरेपछि तनाब बढेका बेला अमेरिकी युद्धपोत कोरियाली प्रायद्वीपमा तैनाथ भएको हो ।
पूर्वी सागरसमेत भनिने जापान सागरमा यो समुह रहेको र जापानी सेनासँग अभ्यास गर्ने तयारी गरेको अमेरिकी अधिकारीले जनाएका छन् ।
उत्तर कोरियाले आगामी दिनहरूमा भूमिगत आणविक परीक्षण गर्न सक्ने चिन्ता बढिरहेको बेला अमेरिकाले यो कदम चालेको हो ।
सन् २०१७ पछि पहिलो पटक अमेरिकी युद्धपोत समुह दक्षिण कोरिया र जापान बीचको जलक्षेत्रमा तैनाथ गरिएको हो।
सन् २०१७ मा उत्तर कोरियाको मिसाइल र आणविक हतियार परीक्षणविरद्ध शक्ति देखाउन यूएसएस रोनाल्ड रेगन, थिओडोर रुजवेल्ट र निमित्ज र तिनीहरूका बहु जहाज स्ट्राइक समूहहरू यो जलक्षेत्रमा तैनाथ भएका थिए ।
दक्षिण कोरियाको योनहाप समाचार एजेन्सीले अज्ञात स्रोतहरूलाई उद्धृत गर्दै युएसएस अब्राहम लिंकन तीनदेखि पाँच दिनसम्म यस क्षेत्रमा रहनसक्ने बताएको छ ।
