-
-
-
-
काठमाडौं । अमेरिकाको न्यूयोर्कस्थित एक मेट्रो स्टेशनमा मंगलबार भएको गोलीबारीमा १६ जना घाइते भएका छन् । जसमा तीन जनाको अवस्था गम्भीर रहेको छ ।
स्थानीय मिडियाका अनुसार आक्रमणकारीले ३३ राउन्ड फायरिङ गरेको थियो । जसमा आठ जना घाइते भए । बाँकी भागदौडमा परेर घाइते भएका हुन् ।
न्यूयोर्क पुलिसका अनुसार घटनामा संलग्न भएको आरोपमा ६२ वर्षे फ्रयांक आर जेम्सको खोजी जारी रहेको छ । फ्रयांकले हालै एक गाडी भाडामा लिएका थिए । उनीमाथि आशंकामा प्रहरीले खोजी जारी राखेको हो ।
उक्त गाडी मेट्रो स्टेशन फायरिङमा जोडिएको हुन सक्ने आशंका छ । पुलिसका अनुसार फायरिङ गर्ने आशंकितले निर्माण कम्पनीमा काम गर्ने पोशाक लगाएको थियो ।
