अस्ट्रेलियाद्वारा १४ रुसी कम्पनीमाथि नयाँ प्रतिबन्ध
एएनआई,
प्रकाशित २०७९ वैशाख १ बिहिबार
593
Shares
फाइल तस्बिर
क्यानबेरा। अस्ट्रेलिया सरकारले युक्रेनबाट तुरुन्तै आफ्नो सैन्य बल फिर्ता गर्न रुसलाई आह्वान गर्दै १४ रुसी राज्य-स्वामित्व भएका उद्यमहरू विरुद्ध लक्षित आर्थिक प्रतिबन्ध लगाएको छ।
एक आधिकारिक विज्ञप्ति अनुसार सूचीमा यातायात कम्पनी कामज र शिपिंग कम्पनीहरू सेभमाश र युनाइटेड शिपबिल्डिङ कर्पोरेशन जस्ता रक्षा सम्बन्धित कम्पनीहरू समावेश छन्।
"प्रतिबन्धहरू इलेकट्रोनिक कम्पोनेन्ट कम्पनी रुजेलोक्ट्रोनिक्ससँग सम्बन्धित छ जसले रुसी इलेकट्रोनिक्स कम्पोनेन्टहरूको लगभग ८० प्रतिशत उत्पादन ओगट्दछ। तिनीहरू रुसी रेलवेसँग पनि सम्बन्धित छन् जुन विश्वको सबैभन्दा ठुलो यातायात कम्पनीहरू मध्ये एक हो।
अस्ट्रेलियाली सरकारले रुसका सरकारी स्वामित्वका उद्यमहरूलाई लक्षित गरी जारी प्रतिबन्धात्मक कदमले रुसी अर्थतन्त्रलाई बढवा दिने उनीहरूको क्षमतालाई कमजोर पार्ने उद्देश्य रहेको बताएको छ।
युक्रेनको सार्वभौमसत्ता र क्षेत्रीय अखण्डताको लागि आफ्नो समर्थन दोहोर्याउँदै, अस्ट्रेलिया सरकारले रुस सरकारका लागि राजस्वका यी महत्त्वपूर्ण स्रोतहरूसँगको कारोबार रोक्न र उनीहरूले रुसमाथि दबाब बढाउँदै गएका छन्।
गत फेब्रुअरी २४ मा रुसले युक्रेनमा "विशेष सैन्य अपरेसन" सुरु गर्यो जसलाई पश्चिमा देशहरूले अप्रत्याशित युद्धको संज्ञा दिएका छन्।
