काठमाडौँ। म्यानमारको राष्ट्रिय एकता सरकार (एनयूजी) ले चीनको सरकारलाई जुन्तासँग संलग्न नहुने चेतावनी दिएको छ। देशको सैन्य जुन्तासँगको संलग्नताले बेइजिङको अन्तर्राष्ट्रिय प्रतिष्ठालाई गम्भीर रूपमा हानि पुर्‍याउन सक्नेसमेत एनयूजीको चेतावनी छ।

चीनका विदेशमन्त्री वाङ यीले सेनालाई बेइजिङले सहयोग गर्ने वाचा गरेपछि यो कुरा आएको हो। अप्रिल १ मा पूर्वी चीनको आन्हुई प्रान्तको तुन्शीमा वाङ यीले जुन्ताका विदेशमन्त्री वुन्ना माउङ ल्विनसँग भेट गरेपछि एनयूजीले एक विज्ञप्ति जारी गर्दै यस्तो चेतावनी दिएको हो।

'म्यानमारको राष्ट्रिय एकता सरकार (एनयूजी) कमान्डर-इन-चीफद्वारा गठित गैर कानुनी सैन्य परिषद्को एजेन्ट वुन्‍ना माउङ ल्विनद्वारा 'विदेश मन्त्री' उपाधिको दुरुपयोग गरेको कडा शब्दमा निन्दा गरेको छ। फेब्रुअरी १, २०२१  मा म्यानमार सशस्त्र सेनाले म्यानमार नियन्त्रणमा लिएपछि उनले आफूलाई विदेशमन्त्रीको उपाधि दिइरहेका छन्,' एनयूजीको विदेश मामिला मन्त्रालयले एक विज्ञप्तिमा भन्यो।

एनयूजीले वुन्‍ना माउङ लुइन वा गैर कानुनी सैन्य परिषद्‌का अन्य एजेन्टहरूलाई म्यानमारका जनताले अपमानजनक र आपत्तिजनक रूपमा हेर्ने गरेका छन्। चिनियाँ विदेशमन्त्री र म्यानमारका सैन्य अधिकारीबीचको भेटमा वाङ यीले बेइजिङले 'म्यान्मारलाई आफ्नो छिमेकी कूटनीतिमा सधैँ महत्त्वपूर्ण स्थानमा राखेको' र 'साझेदारी भविष्य' भएको चीन-म्यानमार समुदाय निर्माण गर्न चाहेको बताएका थिए।

वाङले साझा भविष्यका साथ चीन-म्यानमार समुदाय निर्माण गर्ने लक्ष्य हासिल गर्न सबै क्षेत्रमा आदान-प्रदान र सहयोगलाई गहिरो बनाउन म्यानमारसँग काम गर्न चीन तयार रहेको बताएका थिए। 

उनले दुई पक्षलाई चीन-म्यानमार आर्थिक कोरिडोर (सीएमईसी) को निर्माणलाई तीव्रता दिन, ठुला ऐतिहासिक परियोजनाहरू अझ राम्रो बनाउन र कोभिड-१९ महामारी विरुद्धको लडाइमा एकतालाई अझ गहिरो बनाउन आह्वान गरेका हुन्। 

द डिप्लोम्याट म्यागजिनका अनुसार बेइजिङले एनयूजीको अनुरोधलाई सुन्ने सम्भावना कम छ। रिपोर्टमा एनयूजीले फेब्रुअरी २०२१ मा नागरिक सरकारलाई अपदस्थ गर्ने सैन्य जुन्तासँग चीनको संलग्नतालाई निषेध गर्न कति टाढा जान सक्छ र जान्छ भन्ने बारे भूगोलले सीमा तोकेको छ।