बङ्गलादेशको पूर्वाधार क्षेत्रमा प्रवेश गर्ने चीनको चाहना
एजेन्सी,
प्रकाशित २०७९ वैशाख ५ सोमबार
297
Shares
फाइल तस्बिर
ढाका। बङ्गलादेशको पूर्वाधार क्षेत्रमा प्रवेश गर्ने महत्त्वाकाङ्क्षाका साथ चीनले ढाकालाई राजमार्ग यातायात नेटवर्कमा सहयोग गर्न प्रस्ताव गरेको छ। जसमा स्थलगत सम्भाव्यता अध्ययन गर्न चिनियाँ प्राविधिक विज्ञहरू पठाउने सहमतिसमेत भएको छ।
हाइवे नेटवर्क योजना बेइजिङस्थित चिनियाँ कम्पनीले तयार गरेको अनुसन्धानमा आधारित प्रतिवेदन रहेको छ। बेल्ट एण्ड रोड इनिसिएटिभ (बीआरआई) मा आफ्नो संलग्नता बढाउने प्रयासका रूपमा यो योजना बनाइएको थियो।
सन् २०१६ मा दुई पक्षबीच भएको आर्थिक तथा प्राविधिक सहयोग सम्झौतामा तोकिएको अनुदान सहायता कोषबाट यस आयोजनाका लागि चिनियाँ सरकारले ७.२६ मिलियन आरएमबी (१.१३ मिलियन अमेरिकी डलर) अनुदान सहयोग उपलब्ध गराउने बङ्गलादेश लाइभ न्युजले रिपोर्ट गरेको छ।
बङ्गलादेशको पूर्वाधार विकास योजनामा चीनले चासो देखाउँदै आएका बेला पनि ढाकाले यसबारे आधिकारिक टिप्पणी गरेको छैन। यता लामो समयदेखि बङ्गलादेशको पूर्वाधार विकासमा भारतले सहयोग गरिरहेको छ। चीनले भारतलाई बङ्गलादेशमा परास्त गर्न जति रणनीतिक योजनाहरू बनाए पनि सम्भव भने देखिँदैन।
