युक्रेन नगएर रुसको भ्रमणमा जाँदै राष्ट्र संघका प्रमुख, जेलेन्स्कीले गरे चर्को आलोचना

हाम्रा कुरा

प्रकाशित २०७९ वैशाख ११ आइतबार

काठमाडौं । युक्रेनका राष्ट्रपति भोलोदिमिर जेलेन्स्कीले संयुक्त राष्ट्र संघका महासचिव एन्टोनियो गुटेरेसको रुस भ्रमणलाई लिएर चर्काे अलोचना गरेका छन् । रुसले आक्रमण गरेपछि युक्रेनमा जारी युद्ध रोक्न प्रयास स्वरुप आउँदो बिहीबार राष्ट्र संघका प्रमुख गुटेरेसले दुवै देशको भ्रमण गर्ने भएका हुन् ।

यद्यपि, युक्रेनका राष्ट्रपति जेलेन्स्कीले शुरुमा किभ नगएर मास्को जान लागेको बिषयलाई लिएर राष्ट्र संघका प्रमुख गुटेरेसको आलोचना गरेका हुन् ।

युक्रेनको राजधानी किभमा पत्रकारहरूसँग बोल्दै जेलेन्स्कीले भनेका छन्,'पहिले रुस र त्यसपछि युक्रेन जानु गलत हो।' 'यस आदेशमा कुनै न्याय र तर्क छैन,' उनले थपे।