-
-
-
-
काठमाडौं । आफू चढेको गाडी दुर्घटनामा परेकी भरतपुरकी मेयर रेणु दाहाल घर फर्किएकी छन् । टाउकोमा सामान्य चोट लागेकी उनी उपचारपछि बाबु प्रचण्ड निवास खुमलटार तर्फ लागेकी हुन् ।
दाहाल भरतपुरको मेयरमा पुनः निर्वाचित भएपछि पहिलो पटक काठमाडौं आएकी हुन् । उनी चढेको प्रदेश ३-०१-०२३ च ७३१८ नम्बरको गाडी दुर्घटनामा परेको हो।
ललितपुरको जावलाखेलस्थित कुसुन्ती जाने सडकमा दाहाल चढेको गाडीको टायर पड्किएर बिजुलीको पोललाई ठक्कर दिएको थियो ।
उनी सवार गाडीको टायर पड्किँदा गाडी अनियन्त्रित भई बिजुलीको पोलमा ठोक्किएर दुर्घटना भएको काठमाडौं उपत्यका प्रहरी कार्यालयका प्रवक्ता प्रहरी उपरीक्षक सन्तोष सिंह राठौरले जानकारी दिए ।
उनका अनुसार घाइते दाहालको सुमेरु सिटी अस्पतालमा उपचार पछि फर्किएका छन् ।
