विश्व खाद्य संकट: अमेरिकाले खाद्य प्रणालीलाई बलियो बनाउन २.१ अर्ब डलर छुट्यायो
हाम्रा कुरा
प्रकाशित २०७९ जेठ १८ बुधबार
458
Shares
काठमाडौं। अमेरिकी राष्ट्रपति जो बाइडेन प्रशासनले कोभिड-१९ महामारी युक्रेनमा रुसी आक्रमणपछि जारी युद्धका कारण निम्तिएको खाद्य संकटविरुद्ध खाद्य आपूर्ति प्रणाली बलियो बनाउन २.१ अर्ब अमेरिकी डलर बढीको कोष घोषणा गर्ने भएको छ।
संयुक्त राज्य अमेरिकाका कृषि मन्त्री टम भिल्स्याकले जर्जटाउन विश्वविद्यालयमा भाषणको क्रममा खाद्य प्रशोधन र वितरणमा प्रतिस्पर्धा बढाउन, स्वस्थ खानामा पहुँच बढाउन र किसानहरूको लागि बजार विस्तार गर्न डिजाइन गरिएको यो नयाँ कोष सार्वजनिक गर्ने भएका हुन्।
संयुक्त राज्यका कृषि सचिव टम भिल्स्याकले जर्जटाउन विश्वविद्यालयमा भाषणको क्रममा खाद्य प्रशोधन र वितरणमा प्रतिस्पर्धा बढाउन, स्वस्थ खानामा पहुँच बढाउन र किसानहरूको लागि बजार विस्तार गर्न डिजाइन गरिएको नयाँ कोषको अनावरण गर्नेछन्।
कोभिड-१९ महामारीको समयमा कामदारलाई लागेको रोग र अन्य अवरोधहरूले खाद्य आपूर्ति शृङ्खलामा ढिलाइ गरेको छ। 'रुसको आक्रमणले कृषि सामग्री र खाद्य उत्पादनहरूको मूल्य बढाएको छ, यसले अमेरिकी खाद्य अर्थतन्त्रलाई अझ बलियो बनाउन आवश्यक रहेको सङ्केत गर्छ,' भिलसाकले भाषण अघि रोयटर्सलाई भनेका छन् ।
'भविष्यको महामारी होस् वा अरू केही, हामीलाई भविष्यको अवरोधहरूको सामना गर्न सक्षम हुन थप लचिलो प्रणाली चाहिन्छ,' उनले भनेका छन् ।
अमेरिकी उद्धार योजना ऐन र अन्य राहत कानूनबाट लिइएको यो कोषमार्फत खाद्य प्रशोधन कार्यबल तालिम र आपूर्ति शृङ्खला पूर्वाधारका लागि ९० करोड, साना खाद्य व्यवसाय र खाद्य फोहोर घटाउन ५५ करोड, अर्गानिक र शहरी कृषि परियोजनाहरूका लागि ३७ करोड ५० लाख र स्वस्थ खानामा सार्वजनिक पहुँच बढाउन ३७ करोड अमेरिकी डलर खर्च गरिने भएको छ ।
