सेञ्चुरी बैङ्क र सिद्धार्थ बिजनेस ग्रुपबीच सम्झौता

हाम्रा कुरा

प्रकाशित २०७९ जेठ २० शुक्रबार

काठमाडौँ। सेञ्चुरी कमर्सियल बैङ्क लिमिटेड र सिद्धार्थ बिजनेस ग्रुप अफ हस्पिटालिटी प्रालिबीच विभिन्न सेवा सुविधाहरूमा २० प्रतिशतसम्मको छुट प्रदान गर्ने गरी सम्झौता भएको छ।

बैङ्कको डेबिट कार्ड र क्रेडिट कार्डवाहकहरू, मोबाइल बैङ्किङ प्रयोगकर्ताहरू, सम्पूर्ण ग्राहकहरू तथा बैङ्कका कर्मचारीहरूलाई सिद्धार्थ बिजनेस ग्रुप अफ हस्पिटालिटीको देशभरि सञ्चालनमा रहेका होटेल तथा रेस्टुरेन्टहरूमा खानामा १० प्रतिशत र आवासमा २० प्रतिशतसम्म छुट प्रदान गर्ने गरी सम्झौता भएको छ।

उक्त सम्झौता पत्रमा बैङ्कको तर्फबाट प्रमुख बजार अधिकृत अनुपमा श्रेष्ठ मानन्धर र सिद्धार्थ बिजनेस ग्रुप अफ हस्पिटालिटीका तर्फबाट बजार प्रबन्धक र्निपेश श्रेष्ठले हस्ताक्षर गरेका छन्।