पाकिस्तानका ४ मध्ये ३ प्रान्त खाद्यान्न अभावबाट ग्रस्त
एजेन्सी,
प्रकाशित २०७९ जेठ २२ आइतबार
611
Shares
इस्लामावाद । पाकिस्तानको बलुचिस्तान, खैबर पख्तुनख्वा र सिन्ध प्रान्तहरू तीव्र खाद्य अभावबाट ग्रस्त भएको पछिल्लो ग्लोबल रिपोर्टले जनाएका छन्। खाद्यान्न र इन्धनको मूल्यमा भएको वृद्धि, खडेरीको अवस्था, पशुपक्षी रोग र बेरोजगारी समस्याले राष्ट्रिय खाद्यान्नको मूल्य वृद्धिमा योगदान गरेको पाकिस्तानी पत्रिका डनले रिपोर्ट गरेको छ।
यसबाहेक, धेरै पाकिस्तानी पशु पालकहरूले चरन र पानीको पहुँच, दाना खरिद गर्न समस्या, पशु चिकित्सा सेवाहरू पहुँच गर्न कठिनाइ, प्रचलित पशु रोगहरूका कारण बाली र पशुधन उत्पादनमा कमी आएकोमा चिन्ता व्यक्त गरेका छन्।
बलुचिस्तान र सिन्धमा वर्षाको कमीले पशुधन र बाली उत्पादनमा उल्लेखनीय कमी आएको डनले रिपोर्ट गरेको छ। यसबाहेक, जुलाई र अगस्ट दुवैमा बलुचिस्तान र सिन्धले आफ्नो जीविकोपार्जनमा खडेरीले प्रतिकूल असर परेको रिपोर्ट गरेका थिए।
खैबर पख्तुनख्वाले यस्तै अवस्थाको सामना गरिरहेको र अपर्याप्त वर्षाले पशुधन र बाली उत्पादनमा लगातार गिरावट आएको थियो। यद्यपि, खैबर पख्तुनख्वाको अवस्था यस ठाउँको द्वन्द्वग्रस्त अवस्था, चारा अभाव र पिउने पानीको सीमित उपलब्धताले बढेको कारणले अझ खराब भएको मानिन्छ।
यसैबीच, पाकिस्तान पनि पानी अभाव सामना गर्ने विश्वका शीर्ष १० देशहरूको सूचीमा रहेको अनुमान गरिएको छ। पानीको समस्याको कारणमा जोड दिँदै संयुक्त राष्ट्रका प्रतिनिधिले जलवायु परिवर्तन, बाढी र खडेरीलाई कारण भएको बताएका छन्।
