काठमाडौं । पाकिस्तानले सार्वजनिक कार्यालयहरूका लागि हप्तामा दुई दिन बिदा दिने निर्णय पुनर्स्थापित गरेको छ । यसअघि आइतबार बिदा हुँदै आएको पाकिस्तानमा अब, शनिवार पनि बिदा हुने भएको हो ।

ग्यास र तेलको मूल्य बढ्दै गएका बेला खर्च कटौती गर्ने उद्देश्यले पाकिस्तानले यस्तो निर्णय गरेको हो ।

यसअघि आफ्नो कार्यालयमा पहिलो दिन अप्रिल १६ मा प्रधानमन्त्री शेहबाज शरीफले सार्वजनिक क्षेत्रका कार्यालयहरूले शनिवार पनि काम गर्ने र साप्ताहिक बिदा आइतबार मात्र सीमित हुने आदेश दिएका थिए ।

तर, सञ्चालन खर्चको बिचार नगरी हतारमा उक्त निर्णय गरिएको भन्दै आलोचना भएको थियो ।

अहिले फेरि पाकिस्तानले दुई दिन नै बिदा दिने निर्णय गरेको हो । 'शनिबारको बिदा पुनर्स्थापित गरिएको छ। यो चुनौतीपूर्ण समय हो र यो सङ्कटलाई नियन्त्रण गर्न यो गरिएको हो ।' प्रधानमन्त्रीको अध्यक्षतामा बसेको मन्त्रिपरिषद्को बैठक पछि पत्रकार सम्मेलनमा सूचना मन्त्री मरियम औरंगजेबले भनेका छन् ।

मन्त्रिपरिषद्ले निर्णय गरेका अन्य उपायहरूमा सरकारी अधिकारी र मन्त्रिपरिषद्को पेट्रोल कोटा ४० प्रतिशतले विषय उल्लेख गरिएको छ ।

पेट्रोलियम पदार्थको नराम्रोसँग मूल्यवृद्धि भएपछि अधिकारीहरूले प्रयोग गर्ने निःशुल्क इन्धनमा कटौतीको माग गर्दै आक्रोशित जनतालाई खुसी पार्ने उपाय पाकिस्तानले अपनाएको हो ।

मन्त्रिपरिषद्ले सरकारी कार्यालयको सञ्चालन खर्चमा थप कटौती गर्न सार्वजनिक क्षेत्रका कर्मचारीलाई शुक्रवार घरबाटै काम गर्न दिने प्रस्तावमाथि पनि छलफल गरेको छ ।

तर छिटो निर्णय लिनुको सट्टा मन्त्रिपरिषद्ले दक्षतामा धेरै असर नपर्ने र त्यसबाट कसरी प्रभावकारी रूपमा फाइदा लिन सकिन्छ भन्ने संयन्त्र बनाउन समिति बनाएको र सो समितिले आगामी दिनमा प्रस्ताव पेश गर्ने भएको छ ।

मन्त्रिपरिषद्ले ऊर्जा बचत गर्न प्रादेशिक नगरपालिकाका अधिकारीहरूले वैकल्पिक रातका सडक बत्तीहरू चलाउने निर्णय पनि गरेको छ। 

मन्त्रिपरिषद्ले एम्बुलेन्स र स्कुल बसबाहेकका सवारीसाधन खरिदमा रोक लगाएको छ ।