सम्पत्ति शुद्धीकरणमा राहुल गान्धीसँग पाँच दिनदेखि सोधपुछ : आधा सकियो प्रश्न

हाम्रा कुरा

प्रकाशित २०७९ असार ८ बुधबार

काठमाडौं । सम्पत्ति शुद्धीकरण मुद्दामा भारतीय कंग्रेसका पूर्व उपाध्यक्ष राहुल गान्धीसँग प्रवर्तन निर्देशनालय (ईडी) सोधपुछ जारी राखेको छ । राहुलसँग ईडीले पाँचदिनदेखि सोधपुछ गरिरहेको छ । उनलाई पाँच दिनमा ५० घण्टाभन्दा बढी प्रश्न सोधिएको छ भने अहिलेसम्म ५० प्रतिशत मात्रै प्रश्न सोधिएको बताइएको छ ।

यस कुरालाई लिएर राहुल आक्रोशित बनेका छन् । उनले अधिकारीको यस्तो रवैयाप्रति आपत्ति जनाएका छन् । उनले ईडीका अधिकारीहरूलाई भने,' म दिनहुँ सयौँ प्रश्नको जवाफ दिन्छु, तर तपाईँहरू भोलिपल्ट उही प्रश्न लिएर आउनुहुन्छ ।'

यही आक्रोशमा राहुलले मङ्गलवार खाजाको विश्रामसमेत लिएनन् । कहिलेसम्म दिनहुँ आउने-जाने भइरहने भनेर सोधे । 'जे सोध्न मन छ, आज सोध्नुहोस्। म खाजा खान पनि जाँदिन।' उनले भने । मङ्गलवारको सोधपुछपछि राहुल गान्धी करिब १० बजे आफ्नो निवास तर्फ प्रस्थान गरेका थिए ।

भारतीय सञ्चारमाध्यमका अनुसार ईडीका अधिकारीहरू राहुल गान्धीको जवाफबाट सन्तुष्ट छैनन्। यसअघि राहुल गान्धीले ईडीका अधिकारीहरूको प्रश्न सही नभएको भन्दै आपत्ति जनाए । 'राहुलले यो कस्तो सोधपुछ हो जुन सकिने नाम नै लिँदैन' भनेर सोधे ।'

उनले अहिले मलाई ५० प्रतिशत मात्रै प्रश्न सोधिएको थाहा पाएको बताए । उनले भने,' म प्रश्नहरूबाट आत्तिने व्यक्ति होइन, न त म थकित हुनेछु। यस्तो अनुसन्धानबाट मेरो पार्टी पनि डराउँदैन ।' उनले राज्यहरूमा कांग्रेस सरकारहरूले पनि उत्पीडन गरिरहेको आरोप लगाए।

ईडीले कंग्रेस शीर्ष नेतामाथि गरेको कारबाहीविरुद्ध कडा आलोचना गरिरहेको छ । कंग्रेसले मङ्गलवार पनि विरोध प्रदर्शन गरेको छ । कङ्ग्रेसले राहुल गान्धीको लामो सोधपुछलाई राजनीतिक दमन भनेको छ।