कामका लागि विदेशीने नेपालीलाई सामाजिक सुरक्षा कोषमा समेट्ने तयारी
हाम्रा कुरा
प्रकाशित २०७९ असार ९ बिहिबार
520
Shares
काठमाडौं । कामका लागि विदेशीने नेपालीलाई सामाजिक सुरक्षा कोषमा समेट्ने तयारी भइरहेको कोषका कार्यकारी निर्देशक कपिलमणि ज्ञवालीले बताएका छन् ।
बुधवार विदेशमा रहेका नेपालीलाई सामाजिक सुरक्षा कोषमा समेट्नका लागि गृहकार्य शुरु भइसकेको जानकारी दिँदै कोषका कार्यकारी निर्देशक कपिलमणि ज्ञवालीले एनआरएनएसँगको सहकार्यमा कोषले छिट्टै कार्यविधि बनाएर लागू गर्ने बताए ।
उनले वैदेशिक रोजगारमा जानेलाई अनिवार्य रूपमा सामाजिक सुरक्षा योजनामा समेट्नका लागि श्रम स्वीकृति दिने वेलामा नै समेट्न सकिने बताए ।
कोषका निर्देशक कृष्ण अधिकारीले विदेशमा रहेका नेपालीलाई कोषमा समेट्नका लागि कोषले ’प्यासन’ को रूपमा लिएर अगाडि बढेकाले एनआरएनएले साथ दिएमा चाँडै लागू हुने बताए ।
कर्मचारी सञ्चय कोषका पूर्व प्रशासक कृष्ण आचार्यले कानूनी अड्चनलाई हटाएर वैदेशिक रोजगारमा रहेका नेपालीलाई सामाजिक सुरक्षा योजनामा समेट्न आग्रह गरे ।
