चौधरी ग्रुपले ल्यायो क्रम्पटन ब्राण्डका विभिन्न रेन्जका एयर कुलरहरु

हाम्रा कुरा

प्रकाशित २०७९ असार ९ बिहिबार

काठमाडौं । चौधरी ग्रुप (सीजी) ले गर्मी महिनालाई लक्षित गरी क्रम्पटन ब्राण्ड अन्तर्गत विभिन्न किसिमका आकर्षक एवं गुणस्तरीय कुलरहरु नेपाली बजारमा ल्याएको छ । जसमा डेर्जट कुलर, विन्डो कुलरहरु रहेका छन् ।

चौधरी ग्रुपका अनुसार क्रम्पटन ब्राण्ड भारतको सबैभन्दा पुरानो ब्राण्ड र कम्पनीहरुमध्ये एक हो । यसमा उत्कृष्ट गुणस्तर, विश्वसनीयता, उत्कृष्ट इन्जिनियरिङ क्षमता, उत्पादन डिजाइन र ठूलो मात्रामा विश्वलाई प्रेरित गर्ने समृद्ध विरासत छ । क्रम्पटनले उपभोक्ताको आवश्यकताको अर्थपूर्ण समाधान प्रदान गर्ने नवीन उत्पादनहरु निर्माण गर्ने सीजीको दाबी छ ।

क्रम्पटनका उत्पादनहरु भिन्न हुनुका साथै उपभोक्तालाई ध्यानमा राखेर डिजाइन गरिएका हुन्छन् । हेर्दै निकै आकर्षक देखिने कुलरहरुमा अनेकौं विशेषता रहेको कम्पनीले जनाएको छ ।

सीजी भन्छ, ‘त्यही विशेषताहरुमा हनिकम्ब प्याड, वाईड एंगल एयरफ्लो, ठूलो सजिलो सफा आइस च्याम्बर, लामो समय सम्म चल्ने पम्प जसले कडा पानीमा पनि काम गर्दछ । व्रmोम नब र सजिलो सफाइको लागि पनि नाली प्लग अटो, स्विङ ठाडो लुभहरु, ४ तरिकाबाट हावा विक्षेपन, लामो समयसम्म चिसोपन राख्ने जस्ता अद्धितीय विशेषताहरु रहेका छन् ।’

कम्पनीले क्रमटनका एयर कुलरहरुमा १२ महिनाको वारेण्टी दिएको छ । क्रम्पटन ब्राण्डका एयर कुलरहरु चौधरी ग्रुप अन्तर्गत सीजी इम्पेक्स प्रालीले ल्याएको हो ।

क्रम्पटन ब्राण्डका थुप्रै अरु घरायसी उपकरणहरु पनि भविष्यमा थप्दै जाने कम्पनीले प्रेस विज्ञप्तिमार्फत जनाएको छ ।