जब अन्तर्राष्ट्रिय मञ्चमा सबैलाई छोडी मोदी भेट्न गए बाईडेन
एजेन्सी,
प्रकाशित २०७९ असार १६ बिहिबार
937
Shares
काठमाडौँ। भारत-अमेरिका सम्बन्धहरूको सौहार्द ता जर्मनीको एलमाउमा जी७ शिखर सम्मेलनमा फेरि देखिएको छ। अमेरिकी राष्ट्रपति जो बाइडन जी७ शिखर सम्मेलनको अन्तर्राष्ट्रिय मञ्चमा उपस्थित वैश्विक नेताहरूलाई छोडेर भारतीय प्रधानमन्त्री नरेन्द्र मोदीसित भेट्न पुगे।
भारतका प्रधानमन्त्री नरेन्द्र मोदी जी७ शिखर सम्मेलनको मञ्चमा कनाडाका प्रधानमन्त्री जस्टिन ट्रूडोसित कुरा गरिरहेका थिए। त्यही समय त्यहाँ अमेरिकाका राष्ट्रपति जो बाइडेन पनि पुगे। त्यस समय मञ्चमा विश्वका धेरै देशहरूका प्रमुख उपस्थित थिए तर बाइडेन सबैलाई छोड्दै मोदी कहाँ पुगे। उनले पछिबाट मोदीको काँधमा हात राख्दा मोदीले ट्रूडोसित भइरहेको कुराकानीलाई अल्पविराम दिए। त्यसपछि बाइडेन र मोदीले सौहार्दपूर्ण एक अर्कासित हात मिलाए।
यो पूरा घटनाक्रम क्यामरामा कैद भयो र भाइरल पनि भयो। यसअघि जर्मनीका चान्सलर ओलाफ शोल्जले प्रधानमन्त्री नरेन्द्र मोदीको स्वागत गरेका थिए। शिखर सम्मेलनमा विश्वका सात सबैभन्दा धनी देशहरूका नेताहरूले रुसी आक्रमण, खाद्य सुरक्षा र आतङ्कवादको सामनालगायत विभिन्न महत्त्वपूर्ण वैश्विक मामिलाहरूमा चर्चा गरे।
