- सुन चाँदी दर
- विनिमय दर
- नेपाली पात्रो
- राशिफल
काठमाडौं । श्रीलंकाको मुद्रास्फीति निरन्तर बढेर जुन महिनामा नवौं उच्च बिन्दूमा पुगेको छ । कङ्गाल भएको देशलाई आईएमएफले गलत मूल्य र भ्रष्टाचारमा लगाम लगाउन भनेको एक दिनपछि शुक्रबार आधिकारिक तथ्याङ्कले मुद्रास्फीति ५४.६ प्रतिशत पुगेको देखाएको हो ।
जनगणना एवं तथ्याङ्क विभागका अनुसार कोलम्बो उपभोक्ता मूल्य सूचकांक (सीसीपीआई) मा मूल्यवृद्धिले ५० प्रतिशतको आँकडा पार गरेको यो पहिलो पटक हो ।
अन्तर्राष्ट्रिय मुद्रा कोषले बढ्दो मुद्रास्फीतिलाई नियन्त्रण गर्न र विदेशी मुद्रा सङ्कटले त्रसित भएको संकटग्रस्त अर्थतन्त्रलाई बचाउने प्रयासको रूपमा भ्रष्टाचारलाई सम्बोधन गर्न आग्रह गरेको केही घण्टापछि यो तथ्याङ्क आएको हो ।
आईएमएफले श्रीलंकाको अनुरोधपछि सम्भावित बेलआउटका लागि त्यहाँका अधिकारीहरूसँग १० दिनको व्यक्तिगत छलफल बिहीबार सकाएकाे छ ।
यो वर्ष अमेरिकी डलरको तुलनामा श्रीलंकाको रुपैयाँले आधाभन्दा बढी मूल्य गुमाएको छ ।
श्रीलंकाका २ करोड २० लाख मानिसले महिनौंदेखि खाद्यान्न, इन्धन र औषधिलगायत अत्यावश्यक वस्तुको तीव्र अभाव भोग्दै आएका छन् ।