काठमाडौं । उत्तर कोरियाली नेता किम जोङ उनले अनौठो बयान दिएका छन् । कोरियाली नेता किमले एलियन (पृथ्वी भन्दा बाहिरी अन्य ग्रहका जीव जन्तुहरू ) का कारण कोरोना फैलिएको दाबी गरेका छन् ।
किम जोङले देशमा पहिलो कोरोना केस पनि एलियनका कारण भेटिएको भनेका छन् । उनले दक्षिण कोरियासँग जोडिएको सिमानाबाट बेलुनमा एलियनले भाइरस फ्याँकेको बताए । त्यसयता देशमा कोरोना भाइरसको सङ्क्रमण फैलिएको उनको दाबी छ ।
उत्तर कोरियामा अप्रिलमा १८ वर्षका सैनिक र ५ वर्षका बालकले ‘एलियन जस्तो वस्तु’ छोएको अफवाह फैलिएको छ । त्यसपछि दुवैमा कोरोनाको लक्षण देखिएको थियो ।
तर, छिमेकी देश दक्षिण कोरियाले एलियनबाट फैलिएको कुरालाई बकवास भनेको छ । उत्तर कोरियाको समाचार एजेन्सी केसीएनएका अनुसार सरकारले सीमासँग जोडिएका क्षेत्रका लागि केही निर्देशन दिएको छ ।
सरकारले सिमाना नजिकै बसोबास गर्ने मानिसलाई हावाबाट आउने वस्तु बेलुन, एलियनजस्ता वस्तुबाट सचेत रहन भनेको छ । यदि कसैले यस्तो देख्यो भने प्रहरीलाई खबर गर्न आग्रह गरिएको छ ।
मे १२ मा उत्तर कोरियाले आफ्नो देशमा पहिलो पटक कोरोना भाइरस भेटिएको घोषणा गरेको थियो । यसपछि किम जोङले पुरै देशमा लकडाउन लगाएका थिए ।
