श्रीलङ्काको अर्थतन्त्रलाई घुमाउन सक्छु- नवनियुक्त प्रधानमन्त्री
हाम्रा कुरा
प्रकाशित २०७९ असार २१ मंगलबार
271
Shares
काठमाडौं । सङ्कटग्रस्त श्रीलङ्काका नवनियुक्त प्रधानमन्त्री रनिल विक्रमासिङ्घेले अर्थतन्त्रलाई सामान्य स्थितिमा फर्काउन सक्नेमा आफू विश्वस्त रहेको बताएका छन् । यद्यपि, उनले स्थिरता आउन १८ महिना लाग्ने चेतावनी दिएका छन्।
'सन् २०२३ गाह्रो हुने छ, तर २०२४ सम्ममा चीजहरू उठ्नुपर्छ,' विक्रमासिङ्घेले गत हप्ता बिहीबार राजधानी कोलम्बोमा रहेको आफ्नो आधिकारिक निवासमा एक विस्तृत अन्तर्वार्ताका क्रममा अल जजीरासँग बोल्दै भनेका छन् ।
मे महिनामा छैटौं पटक प्रधानमन्त्री बनेका ७३ वर्षीय नेताले असाधारण परिस्थितिमा आफूले पदभार ग्रहण गरेको बताएका छन् ।
उनले सरकार बिना झण्डै दुई दिन बिताएको र स्थिति नियन्त्रण बाहिर पुगेको समेत बताएका छन् । 'मलाई विश्वास छ कि म अर्थतन्त्रलाई घुमाउन सक्छु,' उनले भने।
यस्तै उनले आफ्नो देशका लागि काम गर्न सफल हुने नहुने भनेर सोच्नु भन्दा पनि काम गर्नु पर्ने बताएका छन् ।
२ करोड २० लाख जनसङ्ख्या रहेकोको टापु राष्ट्र यस वर्षको सुरुमा विदेशी मुद्रा सञ्चिती सकिएपछि खाद्यान्न, औषधि, इन्धनलगायतका अत्यावश्यक वस्तुको अभावका कारण पूर्ण रूपमा अलपत्र परेको छ । अहिले श्रीलङ्कासँग एक दिनका लागि समेत इन्धन छैन देश पूर्ण रूपमा सङ्कटग्रस्त अवस्थामा पुगेको छ।
