बस र कार ठोक्किँदा ६ जनाको मृत्यु, १० बढी घाइते

हाम्रा कुरा

प्रकाशित २०७९ असार २५ शनिबार

काठमाडौं । पाकिस्तानको पूर्वी पञ्जाब प्रान्तमा यात्रुबाहक बस र कार ठोक्किँदा कम्तीमा छ जनाको मृत्यु हुनाका साथै अन्य १० जनाभन्दा बढी घाइते भएको अधिकारीहरूले शनिबार जानकारी दिएका छन् ।

प्रान्तको नारोवाल जिल्लाको शकरगढ सडकखण्डमा बस चालकले ओभरटेक गर्ने क्रममा नियन्त्रण गुमाएर कारलाई ठक्कर दिँदा उक्त दुर्घटना भएको जिल्ला प्रहरी अधिकारी नारोवाल रिजवान ओमेर गोण्डलले सिन्ह्वालाई बताएका छन् ।

मृत्यु हुनेमा सबै कारका यात्रु रहेका छन् भने बसमा सवार १० जना घाइते भएका छन् । यसैबीच जिल्लामा हालै आएको भारी वर्षाका कारण तीव्र गति र चिप्लो सडकका कारण दुर्घटना बढ्दै गएको छ ।