पुटिनको अर्को ठूलो चाल, सबै युक्रेनीले रुसी नागरिकता पाउने

हाम्रा कुरा

प्रकाशित २०७९ असार २८ मंगलबार

काठमाडौं । रुसी राष्ट्रपति भ्लादिमिर पुटिनले अर्को कदम चालेका छन् । रुसले युक्रेनका सबै जनतालाई नागरिकता दिने निर्णय गरेको छ । युक्रेनको दोस्रो ठूलो शहर खार्किभमा रुसी सेनाको आक्रमण पछि पुटिनले चाल चलेका हुन् ।

राष्ट्रपति पुटिनले सोमबार रुसी नागरिकताको दायरा विस्तार गर्ने आदेशमा हस्ताक्षर गरेका छन् ।पुटिनको यो कदम युद्धग्रस्त युक्रेनमा मस्कोको प्रभाव विस्तार गर्ने अर्को चाल रहेको बताइएको छ ।

यसअघि दक्षिणी जापोरिजिया र खेर्सन क्षेत्रका बासिन्दाहरू र युक्रेनको पूर्वी डोन्स्क र लुहान्स्क क्षेत्रका मानिसहरूले सरलीकृत प्रक्रिया अन्तर्गत रूसी नागरिकताको लागि आवेदन दिन पाउँथे ।

सन् २०१९ मा डोनेस्क र लुहान्स्कका जनताका लागि पहिलो पटक नागरिकता प्रक्रिया शुरु भएको थियो।

२०१९ देखि यस वर्षसम्म दुबै क्षेत्रका ७ लाख २० हजार भन्दा बढी जनसङ्ख्याको लगभग १८ प्रतिशतले रूसी राहदानी लिएका छन्।

जापोरिझिया र खेरसन क्षेत्रका बासिन्दाहरूलाई पनि युक्रेनमा रुसको आक्रमणको तीन महिनापछि मेको अन्त्यमा फास्ट ट्र्याक प्रक्रिया प्रस्ताव गरिएको थियो। सो स्थानका मानिसहरूलाई पहिलो पटक एक महिनाअघि रूसी राहदानी दिइएको थियो।