-
-
-
-
मस्को । रुसी राष्ट्रपति भ्लादिमिर पुटिन अर्को हप्ता इरान जाँदैछन् । रुस युक्रेन युद्धका बीच पुटिन इरान जान लागेका हुन् ।
पुटिनले त्यहाँ इरानका राष्ट्रपति इब्राहिम राइसीसँग भेटवार्ता गर्ने छन् । युक्रेनमा चलिरहेको युद्धमा प्रयोगको लागि रुसले इरानसँग हतियार ड्रोनसहित सयौँ मानवरहित हवाई वाहन मागिरहेको छ ।
आगामी जुलाई १९ मा इरानको राजधानी तेहरानमा उनीहरूका बीचमा भेटवार्ता हुने तय भएको रुसी राष्ट्रपतिको कार्यालय क्रेमलिनले जनाएको छ ।
पुटिनले टर्कीका राष्ट्रपति रेसेप तयप एर्डोगानसँग पनि भेट गर्दैछन् । इरान र टर्कीका समकक्षीसँग भेटवार्ता समेत हुने गरि हुन लागेको रुसी राष्ट्रपतिको भ्रमणका लागि गृहकार्य भइरहेको पनि अधिकारीहरूले जनाएका छन् ।
भ्रमणका क्रममा रुसी राष्ट्रपति पुटिनले अन्य दुई समकक्षीसँग एक्ला एक्लै पनि भेटवार्ता गर्ने तयारी भएको क्रेमलिनको भनाई छ ।
