-
-
-
-
पोखरा । पोखराको फुस्रेखोलामा डुबेर मंगलबार एक युवकको ज्यान गएको छ । मृत्यु हुनेमा नवलपरासी बर्दघाट घर भएका २४ वर्षका विवेक गुरुङ (विमल) रहेका छन् ।
जिल्ला प्रहरी कार्यालय कास्कीका अनुसार विमल दुई साता अघि मात्रै पोखरा आएका थिए । चार जना साथीभाइसँगै फुस्रे खोला गएका विमल पौडी खेल्ने क्रममा बेपत्ता भएका थिए ।
खोलाले बगाउँदै गरेको अवस्थामा देखेपछि दुई जना स्थानीयले विमललाई खोलाबाट निकालेर बाहिर ल्याएका थिए ।
त्यतिबेला उनको मृत्यु भइसकेको थियो । विवेकको खोजीका लागि नेपाल प्रहरी र सशस्त्र प्रहरीको टोली खटिएको थियो ।
विमलको शवलाई पोष्मार्टमपछि आफन्तको जिम्मा लगाइएको कास्की प्रहरीका निमित्त प्रमुख सुन्दर तिवारीले जानकारी दिए ।
