रुसले भन्यो- अबको मिसन डोनबास भन्दा परका क्षेत्रमा

हाम्रा कुरा

प्रकाशित २०७९ साउन ५ बिहिबार

काठमाडौं । रुसले अब आफ्नो विशेष सैन्य अपरेशन युक्रेनको पूर्वी डोनबास क्षेत्र भन्दा बाहिर देशको दक्षिणमा फैलिने बताएको छ । युक्रेन युद्धको पाँचौँ महिना नजिकिँदै गर्दा रुसी विदेशमन्त्री सर्गेई लाभरोभले सरकारी सञ्चारमाध्यमसँग बोल्दै युद्धको भूगोल फेरिएको बताएका हुन् ।

'यो केवल डीपीआर (डोनेट्स्क जन गणतन्त्र) र एलपीआर (लुहान्स्क जन गणतन्त्र) मात्रैमा सीमित छैन । यो खेरसन क्षेत्र, जापोरिझ्झिया क्षेत्र र अन्य क्षेत्रहरूमा फैलिदैछ र प्रक्रिया निरन्तर र निरन्तर जारी छ,' लाभरोभले बुधबार प्रकाशित आरआईए नोवोस्तीसँगको अन्तर्वार्तामा भनेका छन्।

लाभरोभको टिप्पणीले युक्रेन युद्धमा क्रेमलिनको ध्यान पुनः केन्द्रित भएको सङ्केत गरेको छ । तीन महिनाअघि मात्र रुसी राष्ट्रपति भ्लादिमिर पुटिनले कीभ कब्जा गर्न असफल भएपछि सैन्य प्रयास देशको पूर्वतिर सारेका थिए।

पुटिनको आदेश अनुसार रुसी सेनाले लुहान्स्क क्षेत्रको अन्तिम सहर लिसिचान्स्कलाई यस महिनाको सुरुमा कब्जा गरेपछि रुसी सेनाको कदम डोनेस्कको छिमेकी क्षेत्रमा हुने अनुमान गरिएको थियो।

यदि डोनेट्स्क पतन भइसकेको छ भने मास्कोले पूर्वी युक्रेनको सम्पूर्ण डोनबास क्षेत्रलाई आफ्नो नियन्त्रणमा ल्याइसकेको छ । यो क्षेत्रमा सन् २०१४ देखि रुस समर्थित युक्रेनबाट अलग हुन चाहनेहरूको बसोबास बढी रहेको छ ।