काठमाडौं । फिलिपिन्सको डोलोरेस नजिक ७.३ रेक्टर स्केलकाे भूकम्प गएको छ । राजधानी मनिलामा समेत भूकम्पको धक्का महसुस गरिएको छ ।
फिलिपिन्सकाे ज्वालामुखी तथा भूकम्प विज्ञानले ७.३ रेक्टर स्केल भने पनि अमेरिकी भौगर्भिक सर्वेले भने ७ रेक्टर स्केलमात्र भनेकाे छ । भूकम्पको केन्द्रविन्दु डोलोरेसबाट ११ किलोमिटर दक्षिणपूर्वमा रहेको छ । यो राजधानी मनिलाभन्दा ३३६ किलोमिटर टाढा पर्दछ । भूकम्प १० किलोमिटर मात्र गहिराइमा थियो ।
भूकम्पले भएको क्षतिको विवरण आइसकेको छैन । उत्तरी प्रान्तमा रहेको अस्पताल र भवनहरूलाई नराम्ररी क्षति पुर्याएको छ । सुनामी आउन सक्ने भएकाले सतर्कताको सूचना जारी गरिएको छ ।
भूकम्पपछि भवन आंशिक रूपमा भत्किएपछि अब्रा प्रान्तको एउटा अस्पताललाई खाली गराइएको थियो तर त्यहाँ कुनै मानवीय क्षति नभएको अधिकारीहरूले बताएका छन् । अहिले बिजुली आपूर्ति बन्द गरिएको छ ।
