काठमाडौं । मास्कोका लागि चिनियाँ राजदूतले युक्रेन युद्धको 'मुख्य उत्तेजक' अमेरिका रहेको भन्दै वाशिंगटनले रुसलाई 'कुचल्न' खोजेको आरोप लगाएका छन्।
राजदूत झाङ हानहुईले अमेरिकाले नेटो रक्षा गठबन्धनको बारम्बार विस्तार र युक्रेनलाई ममस्कोको सट्टा युरोपियन युनियनसँग पङ्क्तिबद्ध गर्न खोजेर रुसलाई कुनामा पुर्याएको बताएका हुन् ।
'युक्रेनी सङ्कटको शुरुवातकर्ता र मुख्य उक्साउनेको रूपमा वाशिंगटनले रुसमाथि अभूतपूर्व व्यापक प्रतिबन्ध लगाएर युक्रेनलाई हतियार र सैन्य उपकरणहरू आपूर्ति गर्न जारी राखेको छ,' झाङले रुसी राज्य समाचार एजेन्सी ताससँगको अन्तर्वार्तामा भनेका थिए। 'तिनीहरूको अन्तिम लक्ष्य रुसलाई लामो युद्ध र प्रतिबन्धको चपेटामा पारेर कुल्चनु हो।'
चिनियाँ राजदूतको तर्कले रुसले समेत भन्दै आएको विषयलाई थप मजबुत बनाएको छ । झाङले गत हप्ता अमेरिकी सभामुख न्यान्सी पेलोसीको स्वशासित ताइवानको भ्रमणको विरुद्ध आलोचना पनि गरेका थिए ।
