-
-
-
-
पोखरा । पोखरामा गएराति आगलागी भएको छ । विद्युत सर्ट भएर भएको आगलागीबाट करिब एक करोड बराबरको क्षति भएको प्रहरीको अनुमान छ ।
पोखरा महानगरपालिका वडा नं. ९ पृथ्वीचोकस्थित पोखरा महलमा आगलागी भएको हो । पोखरा महलमा रहेका २० नम्बर सरटमा रहेको फेन्सी पसलमा राति करिब ९ बजे आगलागी भएको प्रहरीले जनाएको छ ।
आगोलागीबाट पसलमा रहेका सामानहरु जलेर नष्ट भएका छन् । पसलमा रहेका कपडा, जुत्ता, झोला, कम्प्युटर, सिसि क्यामरा लगायतका सामानहरु जलेको सञ्चालक भरत खत्रीले बताए ।
पोखरा महागनरपालिकाको दमकल, नेपाल प्रहरी, सशस्त्र प्रहरी, नेपाली सेना र स्थानीयको सहयोगमा करिब ३ घण्टामा आगो नियन्त्रणमा लिएको थियो ।
