पेलोसी फर्किएको १२ दिनपछि थप अमेरिकी सांसदहरू ताइवानमा

हाम्रा कुरा

प्रकाशित २०७९ साउन २९ आइतबार

काठमाडौं। अमेरिकी सभामुख न्यान्सी पेलोसीले चीनलाई आक्रोशित बनाउँदै ताइवानको भ्रमण गरेको १२ दिनपछि अमेरिकी सांसदहरूको प्रतिनिधिमण्डल ताइवान भ्रमणमा पुगेको छ। पेलोसीको भ्रमणको जवाफमा चीनले ताइवान वरपरको समुद्र र हावामा मिसाइल, युद्धपोत र युद्धक विमानहरूसहितको सैन्य अभ्यास गरेको थियो।

म्यासाचुसेट्सका डेमोक्र्याटिक सेन एड मार्केलेको नेतृत्वमा पाँच सदस्यीय प्रतिनिधिमण्डलले एसिया भ्रमणको एक हिस्साको रूपमा आइतबार र सोमबार ताइवानमा रहेने भएको ताइवानको अमेरिकी संस्थानले बताएको छ।

उनीहरूले वरिष्ठ नेताहरूसँग अमेरिका–ताइवान सम्बन्ध, क्षेत्रीय सुरक्षा, व्यापार, लगानी र अन्य विषयमा छलफल गर्नेछन्।