अमेरिका र ताइवानबीच नयाँ पहल अन्तर्गत औपचारिक व्यापार वार्ता हुँदै

हाम्रा कुरा

प्रकाशित २०७९ भदौ २ बिहिबार

काठमाडौं । संयुक्त राज्य अमेरिका र ताइवान बुधवार नयाँ पहल अन्तर्गत व्यापार वार्ता सुरु गर्न सहमत भएका छन् । टापुका लागि अमेरिकी समर्थनको बढ्दो सङ्केतका रूपमा दुवै पक्ष आर्थिक रूपमा सार्थक नतिजासहित सम्झौतामा जान इच्छुक भएका हुन् ।

यसअघि गत जुनमा अमेरिकी राष्ट्रपति जो बाइडेन प्रशासनले चीनको बढ्दो प्रभावलाई रोक्नको बनाइएको एसिया केन्द्रित आर्थिक योजनाबाट चीनले दाबी गर्दै आएको ताइवानलाई हटाएको थियो । त्यसको केही दिनपछि वासिङ्टन र ताइपेले २१ औं शताब्दीको व्यापारमा अमेरिकी ताइवान पहल अघि सारेको थियो ।

अमेरिकी व्यापार प्रतिनिधिको कार्यालयले दुवै पक्ष वार्ताको सहमतिमा पुगेका र पहिलो चरणको वार्ता यसै शरद ऋतुको सुरु हुने जनाएको छ ।

'हामी उच्च स्तरीय प्रतिबद्धताहरू र अर्थपूर्ण नतिजाहरू वार्ताको जनादेशमा समावेश गर्ने एघार व्यापार क्षेत्रहरू समेट्ने महत्त्वाकाङ्क्षी तालिका पछ्याउने योजनामा छौं जसले २१ औं शताब्दीको अर्थतन्त्रलाई अझ राम्रो, समृद्ध र लचिलो बनाउन मद्दत गर्नेछ,' संयुक्त राज्य अमेरिकाको उप व्यापार प्रतिनिधि सारा बियान्चीले एक विज्ञप्तिमा भनेकी छन् ।

संयुक्त राज्य अमेरिका र ताइवानले व्यापार सहजीकरण, राम्रो नियामक अभ्यासहरू र व्यापारमा भेदभावपूर्ण अवरोधहरू हटाउने जस्ता मुद्दाहरूमा वार्ताका लागि बलियो एजेन्डा तय गरेको घोषणासँगै जारी गरिएको वार्ताको जनादेशले जनाएको छ।

यसले उच्च मानक प्रतिबद्धताहरू र आर्थिक रूपमा अर्थपूर्ण नतिजाहरूसहित सम्झौतामा पुग्नको लागि मद्दत गर्ने बताइएको छ ।