नागरिकता विधेयक दोस्रो पटक पनि पारित, पक्षमा १३५ मत र विपक्षमा ६० मत
हाम्रा कुरा
प्रकाशित २०७९ भदौ २ बिहिबार
766
Shares
काठमाडौं । नागरिकता सम्बन्धी विधेयक दोस्रोपटक जस्ताको त्यस्तै पारित भएको छ । संसदमा बिहीबार साँझ गरिएको मत विभाजनमा बहुमतका आधारमा प्रतिनिधि सभाबाट नागरिकता विधेयक पारित भएको हो ।
गृहमन्त्री बालकृष्ण खाँडले प्रस्ताव पेश गरेपछि प्रमुख प्रतिपक्ष दल एमालेले राष्ट्रपतिबाट पुनर्विचारका लागि आएका सुझावहरु सम्बोधन नगरेको भन्दै विरोध जनाएपछि सभामुख अग्निप्रसाद सापकोटाले मत विभाजन गरेर निर्णय लिएका हुन् ।
जसअनुसार १९५ जना सांसद उपस्थित भएकामा पक्षमा १३५, विपक्षमा ६० तथा मत दिन्न भन्नेमा शून्य मत प्राप्त भएको छ ।
राष्ट्रपति विद्यादेवी भण्डारीले सङ्घीय संसदले पारित गरेर पठाएको नागरिकता विधेयक पुनः विचारका लागि फिर्ता पठाएपछि सत्ताधारी गठबन्धनसँगै मधेस केन्द्रित दलहरु आक्रोशित भएका थिए भने एमालेले राष्ट्रपतिको कदमको समर्थन गरेको थियो ।
