युक्रेनमा तीन पटक हाइपरसोनिक मिसाइल प्रयोग गरेको रुसको खुलासा

हाम्रा कुरा

प्रकाशित २०७९ भदौ ५ आइतबार

काठमाडौं । रुसले युक्रेनमा कथित विशेष सैन्य अभियानको क्रममा मास्कोले तीन पटक हाइपरसोनिक किन्जल (डागर)मिसाइल तैनाथ गरेकाे रक्षा मन्त्री सर्गेई शोइगुले आइतबार बताएका छन् ।

किन्जल मिसाइलहरू नयाँ हाइपरसोनिक हतियारहरूको एर्रेको भाग हुन् जुन राष्ट्रपति भ्लादिमिर पुटिनले २)१८ मा सार्वजनिक गरेका थिए ।

पुटिनले यी नयाँ हाइपरसोनिक मिसाइलले संसारको कुनै पनि बिन्दुमा प्रहार गर्न सक्ने र अमेरिकी निर्मित मिसाइल ढालबाट बच्न सक्ने बताएका थिए ।

सरकारी टेलिभिजनमा बोल्दै शोइगुले ती क्षेप्यास्त्रहरूले तीनवटै प्रयोगका बेला उच्च मूल्यका लक्ष्यहरूमा प्रहार गर्न प्रभावकारी साबित भएको बताएका छन् । यी मिसाइल अरुसँग तुलना गर्न नसकिने र लक्ष्यका लागि छोडिएपछिको अवस्थामा रोक्न नसक्ने देखिएको उनले बताएका छन्।

'हामीले विशेष सैन्य अपरेशनको क्रममा यसलाई तीन पटक तैनाथ गरेका छौं,' शोइगुले रोसिया १ मा प्रसारण गरिएको अन्तर्वार्तामा बोल्दै भनेका छन् ।

यसै साता रुसको रक्षा मन्त्रालयले लडाकु विमानमा राखेर किन्जल मिसाइल नेटो र युरोपेली संघका सदस्य पोल्याण्ड र लिथुआनियाको बीचमा रहेको आफ्नो अलगिएको प्रान्त कालिनिनग्राद क्षेत्रमा राखेको बताएको थियो ।