मङ्गलबार कस्तो देखियो उपत्यकामा बन्दको प्रभाव ? (भिडियो)
हाम्रा कुरा
प्रकाशित २०७९ भदौ ८ बुधबार
899
Shares
फाइल तस्बिर
काठमाडौं । चार कम्युनिष्ट पार्टीको संयुक्त मोर्चाले आवहान गरेको बन्दको अवहेलना गरेको भन्दै बन्दकर्ताहले काठमाडौं लगायत देशका विभिन्न ठाउँमा सवारी साधन तोडफोड गरेका छन् ।
आज बिहानै कोटेश्वरमा बन्दको अवज्ञा गरेको भन्दै महानगर यातायातमा बन्धकर्ताहरूले तोडफोड गरेर भागेका थिए । अहिले चोक चोकमा प्रहरीहरू खटाइएको छ ।
बन्द गर्दै हिँडेका बन्दकर्तालाई प्रहरीले नियन्त्रणमा लिएको छ । काठमाडौंबाट करिब २ दर्जन बन्दकर्ता पक्राउ परेका छन् । बिहान ८ बजेपछि सार्वजनिक यातायात पनि चल्न थालेका छन् । अधिकांश पसलहरू पनि खुलेका छन् ।
नेत्रविक्रम चन्द विप्लव नेतृत्वको नेपाल कम्युनिष्ट पार्टी, ऋषि कट्टेल नेतृत्वको नेपाल कम्युनिष्ट पार्टी, आहुति नेतृत्वको वैज्ञानिक समाजवादी कम्युनिष्ट पार्टी र कर्ण जित बुढाथोकी नेतृत्वको नेकपा माओवादी समाजवादीले बन्दको आव्हान गरेको हो ।
