बालेन भन्छन् : राति जथाभाबी फोहर फाल्नेलाई कारबाही गरिन्छ (भिडियो)

फोहरको तनावमा मेयर

बालेन भन्छन् : राति जथाभाबी फोहर फाल्नेलाई कारबाही गरिन्छ (भिडियो)

हाम्रा कुरा

प्रकाशित २०७९ भदौ ८ बुधबार

काठमाडौँ। काठमाडौँ महानगरपालिकाका प्रमुख वालेन्द्र साह (बालेन) ले उपत्यकामा रातको समयमा जथाभाबी फोहर फाल्नेलाई सीसी क्यामराको श्रव्यदृष्य हेरेर कारबाही गर्ने बताएका छन्। नेपाल प्रहरीको आयोजनामा बुधवार काठमाडौँमा भएको उपत्यका स्तरीय अपराध अनुसन्धान समीक्षा गोष्ठीमा उनले अहिले उपत्यकामा रहेको फोहरको पूर्ण व्यवस्थापन लगत्तै ट्राफिक प्रहरीको समन्वयमा सीसी टिभी हेरेर जथाभाबी फोहर फाल्ने व्यक्तिलाई कारबाही गरिने बताए।

विशेष गरी रातको समयमा यसरी जथाभाबी रूपमा फोहर फालिने गरिएको छ। उनले उपत्यकाको सीसी टिभी क्यामराका लागि महानगरले बजेटसमेत व्यवस्थापन गरेको पनि जानकारी दिए। नेपाल प्रहरीले उपत्यकामा हाल पाँच हजार सीसी क्यामरा रहेको र यहाँको शान्ति सुरक्षा चुस्त बनाउन र अपराध नियन्त्रणमा २५ हजार सीसी क्यामरा चाहिने जनाएको छ।

प्रमुख साहले नेपाल प्रहरीसँग सहकार्य गरेर भवन जुन प्रयोजनका लागि नक्सा पास भएको छ, त्यही प्रयोजनमा ल्याउनका लागि प्रयास थालिएको पनि जानकारी दिए।