-
-
-
-
काठमाडौं । निलम्बित प्रधानन्यायाधीश चोलेन्द्रशमेशर जबरा प्रतिनिधि सभा अन्तर्गतको महाभियोग सिफारिस समितिमा बयान दिन पुगेका छन् । बुधबार बिहान उनी सिंहदरबारस्थित समितिको सभाकक्षमा पुगेका हुन् ।
समितिले उनीमाथि लागेको आरोपका सम्बन्धमा छलफलका लागि बोलाएको हो । उनी विरुद्ध संघीय संसद् सचिवालयमा महाभियोग प्रस्ताव दर्ता भएपछि उनको पद निलम्बनमा परेको छ ।
नेपालको न्यायीक तथा संसदीय इतिहासमा पहिलो पटक प्रधानन्यायाधीशसँग बयान लिइएको हो ।
गत १ फागुनमा सत्तारुढ दलले महाभियोग लगाएपछि २३ फागुनमा प्रतिनिधि सभाले महाभियोग सिफारिस समिति गठन गरेको थियो । सोही सिफारिस समितिले पहिलो पटक बयान लिन लागेको हो ।
अपडेटः जबरा पुगेको डेढ घण्टापछिमात्र बैठक शुरु भएको छ । बयानका लागि बिहान ११ बजे बोलाएका समिति सदस्य सांसदहरु नआउँदा जबरा उनीहरुलाई पर्खेर बस्नु परेको थियो ।
जबरालाई सोध्न ४३ वटा प्रश्न तयार पारेको समितिको बुधबार ढिलो गरी बैठक थालेको हो ।
